【洋蔥出沒注意！每個香港人都值得睇！】
　
有次台灣朋友嚟香港，我帶佢周圍玩，佢...

【洋蔥出沒注意！每個香港人都值得睇！】
　
有次台灣朋友嚟香港，我帶佢周圍玩，佢對香港第一個感想係：「點解你哋香港人行路行得咁快？香港地方咁細，咁趕做乜？」
　
諗深一層…又係喎，咁趕做乜？
我哋每日由睜開眼嗰一刻開始，已經好「趕」。
趕返工，返到公司趕工作，捱到收工趕返屋企，然後要趕住訓覺。
　
有時當我忙完全日，就發現到…
無論你幾早起身，都係完成唔晒每日嘅工作。
無論你幾早訓，第朝起身都係無精神。
我哋咁忙，就係想追求自己缺少嘅嘢。

但更重要嘅原因，係怕落後於人、怕被社會淘汰…
我記得細細個有次搭地鐵，因為我跑得慢，又唔敢同人爭，結果搶唔到位坐，結果要由旺角站企到鰂魚涌。
　
阿媽講咗一句：「執輸行頭，慘過敗家啊！」
　
我哋都好驚輸蝕畀其他人，於是旁邊嗰個行得愈急，你嘅步速又跟住加快…
一直追趕自己缺少嘅心態，往往令人忽略咗身邊擁有嘅嘢。
　
其實搭地鐵企吓又有乜所謂，全程拖實阿媽，一樣咁開心。
　
不過香港人出名生活節奏急速，邊有時間留意身邊人？好似條片咁，喺商業地區有個咁大型嘅裝置，好多途人就算覺得好奇，都只係望兩眼，唔會停低腳步瞭解發生咩事。
　
而呢種，就係香港人嘅生活方式。
　
香港人其實唔係冷漠無情，只係大家步伐太快而忽略身邊發生緊嘅事。
即使你好奇，亦只會用視線去試圖瞭解，但腳步唔會放慢落嚟。
直至你掠過咗張枱，最後離開你視線。
　
你心諗：「唔好理咁多啦，都唔關我事。」
返到公司，當初呢份好奇拋諸腦後。
　
其實大家都可以試吓，唔好只顧追逐眼前，放慢腳步。
好好留意吓四周圍，或者你會發現，自己平常忽略咗好多生活細節、回憶、甚至係身邊嘅人。
　
今次 JobsDB Hong Kong 呢個廣告，其實都係希望提醒香港人諗吓而家嘅工作步伐究竟係咪最適合自己，就算呢一刻你有其他顧慮而未必想即刻轉工，但都可以透過整理jobsDB profile去思索自己之後條路點行。
　
不要讓忙碌成為錯過嘅藉口，立即行動：https://goo.gl/woa5Ar

#icanbebetter

---